कोप - २७ ( Cop -27 Details )
- सम्पन्न भएको स्थान - इजिप्टको शार्म एल शेष
- मिति - २०२२ नोभेम्बर ६-२०
- कोप २८ सन् २०२३ मा दुबैमा हुँदै छ ।
- कोप २६ स्कटल्याण्डको ग्लास्गोमा भएको थियो ।
- कोप २७ लाई कोकाकोलाले स्पोन्सर गरेको थियो ।
- (UNFCCC) ले हरेक वर्ष COP= Conference Of Parties को आयोजना गर्दछ ।
- सर्वप्रथम सन् १९९५ मा जर्मनीको वर्लिनमा प्रथम कोप COP 1 सम्मेलन भएको थियो ।
- COP 3 सन १९९७ मा जापानको क्योटो शहरमा भएको थियो जसबाट क्योट प्रोटोकल पारित भएको थियो । यसमा सदस्य राष्ट्रहरुले ग्रिनहाउस ग्यास उत्सर्जनमा कमी ल्याउने ठोस प्रतिबद्धता गरेका थिए । यसको कार्यान्वयन सन २००५ फेब्रुवरी १६ बाट भएको थियो । क्योटो प्रोटोकल पारित गर्ने राष्ट्रहरु १९२ वटा रहेका छन् । सन् २०१२ मा क्यानडा यसबाट बाहिरिएको थियो ।
उपलब्धिहरु
- विश्व तापमान वृद्धिलाई १.५ डिग्री सेल्सियसमा सीमित गर्न २०३० सम्ममा २०१९ को हरितगृह ग्याँसको तहलाई ४३ प्रतिशतले कटौती गर्नुपर्ने निर्णय कोप २७ मा गरिएको छ ।
- कोप २७ ले जलवायु परिवर्तनका हानि–नोक्सानी सम्बन्धी काम गर्ने संयन्त्र (सेन्टियागो नेटवर्क) लाई कार्यान्वयनमा ल्याउने निर्णय गरेको छ।
|
सेन्टियागो नेटवर्क स्यान्टियागो नेटवर्कको उद्देश्य विकासोन्मुख देशहरूमा जलवायु परिवर्तनको प्रतिकुल प्रभावहरुलाइ स्थानीय, राष्ट्रिय र क्षेत्रीय स्तरमा रोक्न, न्यूनीकरण र सम्बोधन गर्नका लागि ठोस कदम चाल्नको लागि आवश्यक संस्थाहरू, निकायहरू, नेटवर्कहरू र विशेषज्ञहरूको प्राविधिक सहयोगलाई उत्प्रेरित गर्नु हो। |
- जलवायु परिवर्तनको कारण विकासोन्मुख देशहरूले ब्यहोर्नुपरेको क्षतिको पुर्तिको लागि तथा प्रतिकुल जलवायुको कारण क्षतिग्रस्त देशहरुको भौतिक र सामाजिक पुर्वाधारहरुको उद्धार र पुनर्निमाण गर्नको लागि कोष स्थापना गर्ने सम्झौता भएको छ ।
- पहिलो पटक कोप २७ ले कृषि र खाद्य सुरक्षा सम्बन्धी ४ वर्ष समयावधिको सार्म अल शेख संयुक्त जलवायु कार्यान्वयन योजना ल्याएको छ।